Astanada olımpıada chempıony Rafael Nadal kórneki match ótkizedi
ASTANA. QazAqparat - Astanada 25 qyrkúıekte Ulttyq tennıs ortalyǵynda álemdik tennıste aty ańyzǵa aınalǵan, zamannyń uly oıynshylarynyń biri, Úlken Shlem oıyndarynyń jeke toptyq kezeńderiniń 14 dúrkin jeńimpazy, Olımpıada chempıony Rafael Nadaldiń qatysýymen kórneki match ótedi, dep habarlaıdy elorda ákimdiginiń baspasóz qyzmeti.
Qazaqstanda tuńǵysh ret Rafael Nadal frantsýz tennısshisi, álemniń eń myqty TOP-10-dyqqa kiretin Jo-Vılfrıda Tsongaǵa qarsy kórneki match ótkizedi.
Ataqty tennısshilerdiń sapary tek kórneki matchpen shektelmeıdi. Nadal men Tsonga «Team Kazakhstan» akademııasynyń qazaqstandyq talantty jas tennısshi-tárbıelenýshilerine master-klass ótkizip, Nazarbaev Ýnıversıtetiniń stýdentteri men «Heılıberı» halyqaralyq mektebiniń oqýshylarymen kezdesip, avtograf-sessııa kezinde óz jankúıerlerimen áńgimelesedi.
Qazaqstannyń tennıs federatsııasynan habarlaǵandaı, bul sapar bizdiń jas tennısshilerimizge álemdik deńgeıdegi myqtylardy kórip, úlgi tutyp, sabaq alyp, qýattanýǵa úlken múmkindik beredi.
