Astanada Olımpıada chempıondarynyń qatysýymen Іshki áskerlerdiń gala-kontserti ótti

«Bul vedomstvonyń dástúrli túrde jalǵasyp kele jatqan ıgi sharalarynyń biri bolyp ketti. Kontserttiń maqsaty - jastardy Otanǵa degen súıispenshilik pen ultjandylyqqa tárbıeleý, áskerı ómirdiń úzdik dástúri men urpaqtar sabaqtastyǵyn dáripteý bolyp otyr», - deıdi QR ІІM Іshki áskerler komıtetiniń tárbıe jáne áleýmettik-quqyqtyq jumys basqarmasy tóraǵasynyń orynbasary Saverdın Imırov.

Aıtýly is-sharaǵa Ishki áskerdiń shtattyq-sporttyq komandasy quramyndaǵy áskerı qyzmetshiler - olımpıada oıyndarynda jáne halyqaralyq jarystarda Qazaqstannyń kók baıraǵyn talaı ret jelbiretken birqatar ataqty sport sańlaqtary shaqyrylyp, qurmet kórsetildi.

Astanalyq qonaqtar men turǵyndarǵa patrıottyq rýh pen urpaqtar sabaqtastyǵy taqyrybyndaǵy maıdan jáne áskerı ánder, biregeı, muqııat daıyndalǵan «Astanama arnaımyn...» atty kontserttik baǵdarlama usynyldy. Gala-kontsertti ádettegideı birinshi bolyp dırıjer Ashat Muhamedııarovtyń basqarýymen óner kórsetetin QR ІІM Іshki áskerleriniń Ortalyq orkestri ashty. Shara kezinde dástúrli áskerı ánder shyrqaldy. Sonymen qatar halyqaralyq konkýrs laýreattarynyń qatysýymen estrada, halyq ánderi, álem halyqtarynyń án-bıleri oryndaldy.