Astanada «Ole Brazıl Klab» fýtbol akademııasynyń jattyqtyrýshylary sheberlik synybyn ótkizedi
ASTANA. Sáýirdiń 16-sy. QazAqparat /Ernur Aqanbaı/ - Sáýirdiń 19-y men 23-i kúnderi elordadaǵy «Astana-Arena» stadıonynda Brazılııanyń «Ole Brazıl Klab» fýtbol akademııasynyń jetekshi jattyqtyrýshysy Fabrısıo Morozettıdiń basqarýymen elordanyń 100 jasóspirim fýtbolshylary men jattyqtyrýshylary úshin sheberlik synyby ótedi,
dep habarlaıdy QazAqparat.
Atalmysh sharany «K Sports Marketıng» kompanııasynyń qoldaýymen QR Týrızm jáne sport mınıstrligi uıymdastyryp otyr. Sonymen qatar, balalar men eki jatyqtyrýshydan bólek, qaqpashylardyń jattyqtyrýshysy da jumys jasaıtyn bolady. Bul shara bizdiń elimizde sáýirdiń 25-i kúni toılanatyn fýtbol kúnine arnalyp otyr. 2002 jyly sáýirdiń 25-de Qazaqstan ÝEFA-ǵa múshe bolǵan, sodan beri bul kún - fýtbol kúni retinde atalyp ótiledi. Sheberlik synyby kún saıyn saǵat 9:00-den 16:00-ge deıin ótkiziledi.
