Astanada oqytý baǵdarlamalary men tehnologııasyn jetildirý máselesine arnalǵan respýblıkalyq semınar-konferentsııa ótedi
ASTANA. 12 qarasha. QazAqparat - Qazaqstan Respýblıkasy Mádenıet mınıstrliginiń Til komıteti 2011-2020 jyldarǵa arnalǵan memlekettik baǵdarlamasyn iske asyrý jónindegi is-sharalar josparyna sáıkes,
memlekettik tildi sapaly, alternatıvti jáne jańa oqý-quraldarymen oqytýdaǵy oqytýshylardyń kásibı biliktiligin arttyrý maqsatynda 2012 jyldyń 15 qarasha kúni Astana qalasynda semınar-konferentsııa ótkizýdi josparlap otyr.
Sharanyń negizgi maqsaty - memlekettik tildiń qoldaný aıasyn keńeıtý, quzyrettiligin arttyrý jáne jalpy til biliminiń ózekti máselelerin til bilimi ǵylymyndaǵy zamanaýı talap-meje turǵysynan baǵamdap, ǵylymı-teorııalyq oılardy saraptaý, oqytý metodıkasyndaǵy ozyq tehnologııalardy birizdendirý, jańa tehnologııalardy paıdalanýdyń barlyq múmkindikterin qoldaný.
Semınar-konferentsııaǵa memlekettik tildi oqytýdyń jańa tehnologııalaryn, oqytý baǵdarlamalary men mazmunyna baılanysty ǵylymı ádistemelik zertteý júrgizetin ǵalymdar, Qaztest ortalyǵynyń mamandary, oblystyq jáne aýdandyq Tilderdi oqytý ortalyǵynyń oqytýshylary, praktıkada osy máselemen aınalysyp júrgen ozyq tájirıbeli oqytýshylar men ádiskerler, memlekettik tildi damytý jónindegi mamandar, qazaq tiliniń aýdarmashylary, joǵarǵy oqý oryndarynda qazaq tilin shetel tili nemese ekinshi til retinde jańa tehnologııalarmen oqytyp júrgen úzdik ádisker - ǵalymdar qatysady.
Semınar-konferentsııanyń plenarlyq májilisinde memlekettik tildi oqytýdyń jańa tehnologııalarymen ǵylymı-ádistemelik zertteý júrgizetin ǵalymdar men ozyq tájirıbeli oqytýshylar, ádiskerler bas qosyp sheberlik sabaqtaryn kórsetse, sektsııalyq jumysta Sh. Shaıahmetov atyndaǵy Tilderdi damytýdyń respýblıkalyq úılestirý-ádistemelik ortalyǵynyń, «Rýhanııat», «Zerde» oqytý ortalyqtarynyń oqytýshylary semınar-trenıng júrgizedi dep josparlanýda.
Іs-sharanyń qorytyndysy boıynsha qatysýshylarǵa sertıfıkat berilip, olardyń sabaq úlgileri jınaq bolyp basylyp shyǵady.
