Astanada oqýshyny kólikpen qaǵyp óltirgen áıel jol apatyn boldyrmaýy múmkin edi - ІІD
ASTANA. QazAqparat - Astanada oqýshyny kólikpen qaǵyp óltirgen áıel jol-kólik apatyn boldyrmaýy múmkin edi. Bul týraly Astana qalalyq ІІD-niń baspasóz qyzmetinen habarlady.
Eske sala keteıik, 25 mamyr kúni kúndizgi saǵat 12-niń shamasynda Astana qalasynyń 32 jastaǵy turǵyny Toyota Land Cruiser Prado markaly kóligimen Imanov kóshesimen júrip kele jatqanda Qajymuqan-Sátbaev kósheleriniń qıylysynda oń jaqqa burylarda jaıaý júrginshilerge arnalǵan jolda 11 jasar balany qaǵyp ketti. Jol-kólik apaty saldarynan jasóspirim alǵan jaraqattarynan oqıǵa ornynda kóz jumdy.
Atalǵan oqıǵa boıynsha QR Qylmystyq kodeksiniń 345 babynyń 3 bólimimen («jol qozǵalysy erejelerin buzý nemese kóliktik quraldardy paıdalanýshy tulǵalardyń kóliktik quraldardy paıdalaný erejelerin buzý») qylmystyq is qozǵaldy.
«QR QK-niń 345 babynyń 3 bólimi boıynsha qylmystyq is sotqa jiberildi. Taǵaıyndalǵan sot-avtotehnıkalyq saraptamanyń qorytyndysy boıynsha, «Toyota Land Cruiser Prado» markaly kóliktiń júrgizýshisiniń jaıaý júrginshini qaǵyp ketpeýdiń tehnıkalyq múmkindigi bolǵan», - delingen baspasóz qyzmetiniń habarlamasynda.
Aıyptalýshy áıelge bes jylǵa deıin túrmege qamaý jazasy berilýi, sondaı-aq belgili bir qyzmetterge ornalasý nemese belgili bir qyzmetpen 5 jylǵa deıin merzimge aınalysý quqyǵynan aıyrylýy múmkin. Sonymen birge, QR Qylmystyq kodeksiniń 74 babynyń 1 bólimine sáıkes sot qamaýǵa alý jazasyn áıeldiń júktiligine baılanysty keıinge qaldyrýy yqtımal ekenin atap ótý kerek.
