Astanada oqýshyny qaǵyp, mert qylǵan áıel 2 aıǵa úıqamaqqa alyndy
ASTANA. QazAqparat - Astananyń Almaty aýdandyq №2 soty 25 mamyr kúni kámelet jasqa tolmaǵan balany qaǵyp, mert qylǵan S. esimdi áıeldi úıqamaqqa alý sanktsııasyn berý týraly aýdandyq ІІB Tergeý bóliminiń ótinishin qarady, dep habarlady atalǵan sottyń baspasóz qyzmetinen.
Naqtyraq aıtqanda, Almaty aýdandyq ІІB tergeý bólimi QR QK 345-baby 3-bólimi boıynsha kúdikti S. esimdi azamatshany úıqamaqqa alý sharasyn sanktsııalaý týraly ótinish bergen.
25 mamyrda kúdikti «Toıota Land Krýzer» kóligimen kámelet jasqa tolmaǵan jaıaý júrginshini qaǵyp, oqýshy oqıǵa ornynda kóz jumdy.
Sot bultartpaý sharasyn qoldanýda jasalǵan qylmystyń aýyrlyǵy men kúdiktiniń densaýlyq jaǵdaıyn (júktilik), otbasylyq jaǵdaıyn eskerdi.
Sot qaýlysy boıynsha azamatsha S. 2 aı merzimge deıin «úıqamaqqa» alyndy.
