Astanada oqýshyny qaǵyp ketken avtobýs júrgizýshisi jumystan shettetildi
ASTANA. QazAqparat - «Astana LRT» avtobýs júrgizýshisiniń jasóspirim qyzdy qaǵyp ketýine qatysty pikir bildirdi, dep habarlaıdy QazAqparat tilshisi uıymnyń baspasóz qyzmetine silteme jasap.
«Jol-kólik oqıǵasy bolǵan kezde avtobýstyń jyldamdyǵy 53 km/saǵat bolǵan. Avtobýs júrgizýshisiniń jolaýshylar tasymaly jumysynda 9 jyl eńbek ótili bar. Basshylyq tarapynan eshqandaı eskertý almaǵan, eshqandaı buzýshylyq jasamaǵan. Qazirgi ýaqytta ol tergeý júrgizýge baılanysty jumystan shettetildi», - dep málim etti kompanııanyń baspasóz qyzmeti.
Uıymda atalyp ótilgendeı, jol apatyna kináli avtobýs júrgizýshileri jumystan bosatylyp, qara tizimge kiredi. ıAǵnı, olar elordanyń qoǵamdyq kóliginde jumys isteı almaıdy.
«Qurmetti elorda turǵyndary! Apat aıtyp kelmeıdi. Jol apatynan zardap shegetin jaıaý júrginshilerdiń basym bóligi - balalar men jasóspirimder. Abaı bolýlaryńyzdy jáne joldan tek belgilengen jerlerden ótýlerińizdi suraımyz. Balalarǵa jolda júrý erejelerin túsindirý kerek. Qaza tapqan qyzdyń týystary men jaqyndaryna taǵy da kóńil aıtamyz», - dedi kompanııa baspasóz qyzmeti.
Eske salaıyq, 23 qazanda Astanada №40 baǵyttaǵy jolaýshylar avtobýsy oqýshy qyzdy qaǵyp, mert qyldy.
