Astanada oqýshylarǵa arnalǵan tamaqtaný kombınaty kelesi jyly salynýy múmkin
ASTANA. QazAqparat - Kelesi jyly Astanada oqýshylarǵa arnalǵan tamaqtaný kombınaty salynýy múmkin. Bul týraly búgin Astana qalalyq bilim basqarmasy men "Nestle fýd Qazaqstan" kompanııasy birge qolǵa alǵan "Salaýatty tamaqtaný mektebi" jobasyna arnalǵan baspasóz máslıhaty barysynda medıtsına ǵylymdarynyń doktory, Qazaq taǵamtaný akademııasy Taǵamtaný problemalary ınstıtýtynyń dırektory Erbolat Dəlenov məlim etti.
Jalpy, bul kombınat týraly aqparat 2014 jyly belgili bolǵan edi. Bilim jəne ǵylym mınıstrliginiń ókilderi kombınat qurylysy bastaldy dep məlimdegen bolatyn. Al E.Dəlenovtiń aıtýynsha, ekonomıkalyq jaǵdaılarǵa baılanysty joba toqtap tur. "Osydan eki jyl buryn Astanada kombınat salý məselesi talqylanǵan bolatyn. Keıin qalalyq əkimdiktiń tapsyrmasyna oraı, mektepterge arnalǵan arnaıy bir aptalyq as məzirin jasadyq. Kombınattyń ǵylymı jumystaryn óz moınymyzǵa aldyq. Qazir əlemde - ekonomıkalyq daǵdarys, elimiz halyqaralyq kórmege daıyndalyp jatyr. Degenmen, kombınat qujattarynyń barlyǵy daıyn, jer bólingen. Kombınat kelesi jyly salynýy múmkin", - dedi baspasóz məslıhatynda jýrnalısterdiń suraǵyna jaýap bergen ol. "Kombınat salynsa, Astana mektepteriniń bərinde tamaq bir as məziri boıynsha taratylady. Qazir mektepterge jeke kompanııalar taǵam jetkizip otyr. Olar mektep dırektoryna baǵynbaıdy, bylaısha aıtqanda bıznes neǵurlym kóp taǵam satsa, soǵurlym kóp paıda kóredi. Al kombınat salynsa, mektep oqýshylary tek paıdaly tamaq jeıdi", - deıdi sarapshy.
