Astanada oqýshylarǵa arnalǵan qosymsha bilim ortalyǵy ashylady

NUR-SULTAN. QazAqparat – 1 maýsym - balalardy qorǵaý kúnine oraı oqýshylarǵa arnalǵan jańa bilim ortalyǵy ashylady. Bul týraly Nur-Sultan qalasynyń ákimi Altaı Kólginov málim etti, dep habarlaıdy QazAqparat tilshisi.

«Balalarǵa qosymsha bilim berý boıynsha jeke ınvestordyń esebinen oqýshylar saraıyn salyp jatyrmyz. 1 maýsym - balalardy qorǵaý merekesi «Bilim park» qosymsha bilim ortalyǵy ashylady. Ol jerde 1,5 myńnan astam bala qosymsha bilim alady. Onyń ishinde matematıka, fızıkadan qosymsha sabaq, kompıýterlik saýat, mýzyka jáne basqa da úıirmeler uıymdastyrylady. Sonymen qatar bıyl eloradada aýtızm ortalyǵy ashylady. Ortalyqtan erekshe kútimdi talap etetin balalarǵa bar jaǵdaı jasalady», - dedi Altaı Kólginov qalalyq máslıhattyń 25-shi kezekten tys sessııasynda.

Sondaı-aq, qala basshysy astanalyq pedagogtardyń jaǵdaıyna toqtalyp ótti.

«Bıyl pedagogıka mamandyǵyna oqýǵa túsýge nıetti túlekter úshin 1400 grant bólemiz. Balaǵa beriletin bilimniń sapasyn arttyramyz desek, pedagogtardyń da jaǵdaıyn umytpaýymyz kerek. Búgin tańerteń astanalyq muǵalimderdiń qatysýymen «Ustazdar alleıasynyń» ashylýyna qatystym. Bıyl elordalyq oqýshylar túrli olımpıadadan 99 medal ákeldi. Sonyń ishinde 24-i - altyn medal. Bul - ustazdardyń eńbegi», - deıdi ol.

Buǵan deıin habarlaǵanymyzdaı, elordada úsh aýysymdy mektepterdiń sany 2 ese azaıǵan.