Astanada oqýshylardyń teń jartysy tegin ystyq tamaqpen qamtylǵan (FOTO)
ASTANA. QazAqparat - Astana qalasynda 113 376 bala ystyq tamaqpen qamtylǵan. Bul elordadaǵy barlyq oqýshylardyń 100% quraıdy. Al bul oqýshylardyń teń jartysyna, ıaǵnı, 60 337 balaǵa (barlyq oqýshylardyń 53,2%-y) ystyq tamaq tegin beriledi. Bul týraly búgin Astana qalalyq bilim basqarmasy men "Nestle Fýd Qazaqstan" kompanııasynyń birlese qolǵa alǵan "Salaýatty tamaqtaný mektebi" atty əleýmettik jobaǵa arnalǵan baspasóz məslıhatynda belgili boldy.
Astana qalalyq bilim basqarmasynyń deregine súıensek, qalanyń orta bilim beretin mektepteriniń barlyǵy oqýshylardy túgeldeı ystyq tamaqpen qamtyp otyr. "2015 jyldyń 15 qyrkúıegindegi jaǵdaıǵa səıkes, elorda mektepterinde 113 376 bala ystyq tamaqpen qamtylǵan, bul barlyq oqýshylardyń 100%-yn qamtıdy. Sonyń ishinde 60 337 bala, ıaǵnı, barlyq oqýshylardyń 53,2% tegin ystyq tamaqpen qamtylǵan",- deıdi bilim basqarmasynyń ókilderi. Derekkózge súıensek, elorda mektepterindegi 2015 jylǵa arnalǵan bir rettik ystyq tamaqtyń baǵasy - 279 teńge.
