Astanada oqýshylardyń smartfonyn tartyp alyp júrgen er adam ustaldy
ASTANA. QazAqparat - Astanada mektep oqýshylaryna ózin polıtseı retinde tanystyryp, smartfondaryp tartyp alǵan er adam ustaldy, dep habarlaıdy «QazAqparat» tilshisi.
«29 jastaǵy Astana turǵyny ustaldy. QR QK 190-baby («Alaıaqtyq») boıynsha sotqa deıingi tergeý amaldary bastaldy. Ol buryn «kisi ólimi oryn alǵan jol-kólik oqıǵasy» boıynsha qylmystyq jaýapkershilikke tartylǵan. Aıypker shartty túrde jazalandy», - dep habarlady Astana ІІD baspasóz qyzmetiniń basshysy Sofıa Qylyshbekova.
Ol keltirgen derekterge súıensek, Almaty aýdany boıynsha telefon urlyǵy týraly 60-qa jýyq shaǵym kelip túsken.
Astana turǵyny Erbolat Sherkenov áleýmettik jelige ury bolýy yqtımal er adamnyń ustalǵanyn habarlady jáne fotosyn jarııalady. Onyń aıtýynsha, ury mektep janynda balalardy torýyldap, ózin kámeletke jasqa tolmaǵandar isi boıynsha ınspektormyn dep tanystyrǵan.
«Túrli syltaýmen balalardyń telefonyn alady da, arqasyndaǵy sómkege salyp qoıady», - dep jazdy ol Facebook paraqshasyna.
