Astanada oqýshylardy ıntellektýaldy damytý taqyrybynda halyqaralyq konferentsııa ótip jatyr
ASTANA. QazAqparat - Astanada «Zamanaýı bilim berý ortasynda balanyń ıntellektýaldy damýy» atty halyqaralyq ǵylymı-praktıkalyq konferentsııa ótýde.
Іs-sharany «Asyl bala» respýblıkalyq qaýymdastyǵy, «ıÝSIMAS-Qazaqstan» mentaldi arıfmetıka akademııasy, Qazaqstandyq mektepke deıingi bilim berý uıymdarynyń qaýymdastyǵy, sonymen qatar «Máskeý qalalyq pedagogıkalyq ýnıversıteti», Bilim berý pedagogıkasy men psıhologııasy ınstıtýty (RF) uıymdastyrdy.
Shara barysynda belsendi oıyndar arqyly balalardyń aqyl-oıymen qatar, dene shymyrlyǵyn damytýdyń jańa sheshimderi sóz bolmaq.
Taǵy bir taqyryp, bilim berý salasyn basqarýdyń tıimdi tájirıbeleri, mektepke deıingi oqytý baǵdarlamalary salasyndaǵy halyqaralyq qarym-qatynastar men baılanystar, sondaı-aq jeke jáne memlekettik áriptestik máseleleri talqylanady.
«Qazaqstanda biz bir ıdeıa úshin jumys jasap kele jatyrmyz. Ol - Elbasymyzdyń «Zııatker ult - 2020» baǵdarlamasy. Osy jobada Memleket Basshysy ózin saıasatker retinde emes, danagóı aqylshy retinde kórsetti. Prezıdent Qazaqstanda kóp qyrly adamdardy tárbıeleý týraly aıtady. Árbir azamatymyzdyń rýhanııaty men aqyly joǵary deńgeıde damyǵan bolýy tıis. Onyń birin alyp tastaýǵa bolmaıdy. Sondyqtan osy jobada ál-Farabıden, Abaı Qunanbaıdan, Ýálıhanovtan kóp dúnıeler alyndy, demek urpaqtar qundylyǵynyń jalǵastyǵyna mán berilgen», - dep atap ótti bilim jáne ǵylym vıtse-mınıstri Esenǵazy Imanalıev.
Konferentsııa baǵdarlamasy boıynsha, Máskeý qalalyq pedagogıkalyq ýnıversıteti men Belarýs memlekettik pedagogıkalyq ýnıversıtetiniń professorlyq-oqytýshylyq quramy mektepke deıingi jáne kishi synyptar balalarynyń ıntellektýaldy damýyna zamanaýı ádisterin is júzinde kórsetken tolyq májilister men sheberlik synyptaryn ótkizý josparda bar.
