Astanada oqýshylar men turǵyndar Esilge balyq jiberý protsesin tamashalady
«Jyl saıyn ótkiziletin bul jumysta barlyq balyq sharýashylyǵy uıymdary júzege asyrady. Bul elimizdiń sý aıdynyndaǵy balyq túrleriniń sanyn retteý úshin mańyzdy», - dedi qala ákimdiginen.
Buqtyrma ýyldyryq shashý-ósý sharýashylyǵynyń ınkýbatsııalyq tsehtarynan Esil ózenine 100 myń aq amýr, 96 798 tuqy balyǵynyń shabaǵy jiberildi.
Kúz – ózendi balyqqa toltyrýdyń eń jaqsy kezeńi. Balyq shabaqtary Esil ózenine arnaıy jabdyqtalǵan kóliktermen tasymaldandy.
Balyqtandyrý protsesi balalar-jasóspirimder týrızmi jáne ólketaný ortalyǵy janyndaǵy ekologııa úıirmesiniń 8-synyp oqýshylary men elorda turǵyndarynyń, sondaı-aq Astananyń qorshaǵan ortany qorǵaý jáne tabıǵat paıdalaný basqarmasy; Esil oblysaralyq balyq sharýashylyǵy basseındik ınspektsııasy; sý resýrstaryn paıdalanýdy retteý jáne qorǵaý jónindegi Esil basseındik ınspektsııasy; qalalyq ekologııa departamenti; Aqmola oblysy boıynsha «Qazaqbalyqsharýashylyǵy» balyqshylar men balyq sharýashylyǵy sýbektileri qoǵamdyq birlestikteriniń respýblıkalyq qaýymdastyǵy» zańdy tulǵalar birlestigi; «Jasnur»JShS men «Buqtyrma ýyldyryq shashý-ósirý sharýashylyǵy» JShS ókilderiniń qatysýymen ótti.
