Astanada oqýshylarǵa arnalǵan sý únemdeý zerthanasy tanystyryldy
ASTANA. KAZINFORM – Astanadaǵy «TANYM» kópfýnktsıonaldy kesheninde «AQUA LAB: SÝ. STEAM. JASYL MEKTEP» praktıkalyq semınary ótip, oqýshylardyń sý únemdeý salasyndaǵy zertteýleri men jobalaryna arnalǵan AQUA LAB zerthanasy tanystyryldy, dep habarlaıdy Sý resýrstary jáne ırrıgatsııa mınıstrligi.
Jobaǵa Sý resýrstary jáne ırrıgatsııa mınıstrligi bastamashy bolǵan. Ony «Sý resýrstarynyń aqparattyq-taldaý ortalyǵy» KEAQ Oqý-aǵartý mınıstrligi jáne Astana qalasynyń ákimdigimen birlesip júzege asyryp jatyr.
Jobaǵa Chevron jáne Coca-Cola kompanııalary, «Caravan of Knowledge» korporatıvtik qory men «TANYM» kópfýnktsıonaldy kesheni seriktes retinde qatysýda.
Semınarǵa elordanyń 20 tirek mektebi dırektorynyń tárbıe jumysy jáne beıindik oqytý jónindegi orynbasarlary qatysty.
AQUA LAB zerthanasynda oqýshylar sý únemdeý taqyrybynda zertteýler men tájirıbeler júrgizip, STEAM-jobalar ázirleıdi. Sondaı-aq sý resýrstaryn tıimdi paıdalanýǵa baǵyttalǵan óz sheshimderin is júzinde synaqtan ótkize alady.
– Oqýshylardyń sý týraly bilim alyp qana qoımaı, ony is júzinde qoldana alýy mańyzdy. ıAǵnı zertteý júrgizip, tájirıbe jasap, óz sheshimderin usyna bilýi kerek. «Sý sandyǵy» men AQUA LAB birin-biri tolyqtyrady: resýrs pedagogterge ádistemelik quraldar usynsa, zerthana oqýshylardyń praktıkalyq jumys júrgizýine múmkindik beredi, – dedi Sý resýrstary jáne ırrıgatsııa vıtse-mınıstri Talǵat Momyshev.
Zerthananyń ádistemelik negizi retinde «Sý jáne bilim» jobasy aıasynda ázirlengen «Sý sandyǵy» resýrsy paıdalanylady. Onyń aıasynda sý salasyndaǵy bilim berý men aǵartý baǵytyndaǵy ozyq tájirıbeler jınaqtalǵan.
«Sý jáne bilim» jobasyna Frantsýz damý agenttigi (AFD), Halyqaralyq Araldy qutqarý qory jáne ıÝNISEF qoldaý kórsetken.
Semınar qorytyndysy boıynsha bilim berý tájirıbelerin synaqtan ótkizýge, sondaı-aq birlesken zertteý jáne ekologııalyq jobalardy júzege asyrýǵa qatysatyn elordalyq mektepterdiń pýlyn qalyptastyrý josparlanyp otyr.
Aıta keteıik, Astanalyq oqýshy tushpara jasap, óz kásibin damytyp júr.
