Astanada oqýshylar Dombyra kúnine oraı respýblıkalyq chellendj bastady
ASTANA. KAZINFORM – Chellendj qatysýshylary áleýmettik jeliler arqyly óner kórsetip, óńirlerdi estafetany jalǵastyrýǵa shaqyrady.
Elimizde shilde aıynyń alǵashqy jeksenbisinde Ulttyq dombyra kúni keń kólemde atalyp ótedi. Osyǵan oraı Astana qalasy Bilim basqarmasynyń Ádistemelik ortalyǵynyń uıymdastyrýymen mýzyka páni muǵalimderi men oqýshylarynyń qatysýymen «Naǵyz qazaq — qazaq emes, naǵyz qazaq — dombyra!» atty respýblıkalyq chellendj bastaý aldy.
Atalǵan chellendjdiń negizgi maqsaty — qazaq halqynyń ulttyq ónerin dáripteý, kúı ónerin keńinen nasıhattaý, sondaı-aq óskeleń urpaqtyń dombyraǵa degen qyzyǵýshylyǵyn arttyryp, ulttyq qundylyqtarǵa degen qurmetin qalyptastyrý.
Igi bastama aıasynda elordalyq bilim berý uıymdarynyń oqýshylary men ustazdary qazaqtyń qasıetti qara dombyrasymen kúıler oryndap, ulttyq ónerdi ulyqtaýǵa óz úlesin qosyp otyr. Chellendj qatysýshylary áleýmettik jeliler arqyly óner kórsetip, óńirlerdi estafetany jalǵastyrýǵa shaqyrady.
Respýblıkalyq chellendjdi alǵashqylardyń biri bolyp Almaty oblysynyń bilim berý uıymdary qoldap, estafetany qabyl aldy. Qazirgi tańda bastama Túrkistan oblysy men Shymkent qalasynda jalǵasyp, ulttyq ónerdi nasıhattaý isine elimizdiń ózge óńirleri de belsendi túrde atsalysyp otyr.
Ulttyq dombyra kúnine arnalǵan bul ıgi bastama óskeleń urpaqtyń boıyna ulttyq rýhty sińirip, mádenı muramyzdy dáripteýge baǵyttalǵan mańyzdy sharalardyń biri sanalady.
Aıta ketelik Astanada qandaı is-sharalar ótetini týraly jazǵan edik.
