Astanada oqýshy mektep baspaldaǵynan qulap, aýrýhanaǵa tústi
Astanada mektep oqýshysy baspaldaqtan qulap jaraqat aldy, dep habarlaıdy QazAqparat tilshisi.
«Astana qalasynyń №14 mektep-gımnazııasynyń oqýshysy ekinshi qabatqa kóterilip bara jatyp baspaldaqtan qulap ketti. Balanyń aıtýynsha, ony synyptasy ıterip jibergen. Oqıǵa ornyna shuǵyl túrde jedel járdem shaqyryldy. Oqýshy qalalyq balalar aýrýhanasynda jatyr. Esin biledi, jaǵdaıy turaqty. Komaǵa túsken joq», - dedi qalalyq Bilim basqarmasynan.
Basqarma málimetinshe, mektep baspaldaqtarynda taıanyshy joq degen aqparat shyndyqqa sáıkes kelmeıdi.
Bilim basqarmasy atalǵan oqıǵaǵa qatysty mektep dırektoryna qatysty shara qabyldaý máselesin qarastyryp jatyr.
Aıta keteıik, Telegram-pablıkterdiń birinde balaǵa shuǵyl ota jasaý kerektigi, ondaı ota elimizde jasalmaıtyndyǵy aıtylady. Sonymen qatar bala basynan jaraqat alyp, sonyń saldarynan kórý qabileti nasharlaǵany atap ótiledi.
