Astanada oqý úderisin 07:40-tan bastaý máselesi - ákimdik qaraýynda
ASTANA. QazAqparat - Oqý úderisin saǵat 07:40-tan bastaý máselesi ákimdiktiń qaraýynda bolyp otyr. Bul týraly QazAqparatqa Astana qalalyq Bilim basqarmasy bastyǵynyń orynbasary Qasymhan Semǵazıev habarlady.
Astana qalasynyń ákimi Ádilbek Jaqsybekov aǵymdaǵy jyldyń 12 tamyzynda kólik basqarmasyna, «Astana LRT» JShS jáne bilim basqarmasyna elorda joldarynda tańǵy saǵat 7-den bastalatyn kólik keptelisterine baılanysty, olardy jeńildetý máselesin qarastyrýdy tapsyrdy. Atap aıtqanda, ákim oqý úderisiniń kestesine ózgerister engizý - mektepterdegi sabaqtardy saǵat 7:40-tan bastaýdy qarastyrýdy tapsyrdy. Bul oqýshylar sany 3 myńnan asatyn mektepterge qatysty bolyp otyr. Atalǵan másele ata-analar men pedagogıkalyq ujymnyń qaraýyna shyǵaryldy.
