Astanada «Ókpek jolaýshy» spektakliniń premerasy úsh tilde ótip jatyr
ASTANA. QazAqparat - 26 - 28 qyrkúıekte Halyqaralyq tilder festıvali aıasynda elorda turǵyndary men qonaqtarynyń nazaryna Dýlat Isabekovtyń «Ókpek jolaýshy» spektakli úsh tilde usynylatyn bolady. Premera jańa Oqýshylar saraıynda ótedi. Bul týraly astana.kz saıtyna «Báıterek» halyqaralyq medıa ortalyǵynan habarlady.
Keshe kórermender spektakldi aǵylshyn tilinde tamashalasa, búgin saǵat 18.30 «Ókpek jolaýshy» Sankt-Peterbýrg teatry trýppasynyń oryndaýynda orys tilinde qoıylady. Erteń, 28 qyrkúıekte pesanyń túpnusqasy qazaq tilinde kórermenderge jol tartady. Osylaısha, elordalyqtar qazaq ıdeıasy men shyǵarmasynyń orys jáne aǵylshyn tilderindegi ınterpretatsııasymen tanysady. Shara Qazaqstandaǵy kóptildik saıasatty qoldaýǵa baǵyttalǵan jáne elimizdiń óskeleń urpaǵynyń boıynda túrli halyqtar men olardyń mádenıetine degen qurmet pen tózimdilikti tárbıeleýge yqpal etedi.
