Astanada ókpe aýrýy boıynsha keńes alý úshin jol júrý tegin bolady
ASTANA. 19 qarasha. QazAqparat - Erteń №1 qalalyq aýrýhana bazasynda Dúnıejúzilik sozylmaly obstrýktıvti ókpe aýrýlaryna (SOÓA) qarsy kúres kúni ótedi.
Shara barysynda elordalyq belgili pýlmonolog dárigerler «Astana» medıtsına ýnıversıteti» AQ pýlmonologııa kafedrasynyń professorlarymen jáne dotsentterimen birlesip naýqastarǵa konsýltatsııa berip, dárigerler úshin dáris oqıdy. Bul týraly astana.kz saıtyna Salaýatty ómir saltyn qalyptastyrý ortalyǵynan habarlady.
«Konsýltatsııa alýǵa jáne dáris tyńdaýǵa qyzyǵýshylyq tanytqandarǵa №1 qalalyq emhanaǵa tegin jol júrý uıymdastyrylǵan», - delingen habarlamada. Avtobýstar kelesi mekenjaılardan júredi:
1) №5 qalalyq emhana (Aqan Seri, 20) saǵat 11.30- 12.00
2) № 4 qalalyq emhana (Shevchenko k-si (103), úı 1) saǵat 11.00-12.30
3) № 9 qalalyq emhana (pr.Abylaıhana, 30) saǵat 12.30-13.00
SOÓA - sozylmaly bronhıt jáne ókpe emfızemasy syndy tynys alý organdarynyń sozylmaly aýrýlaryn biriktiretin sozylmaly obstrýktıvti ókpe aýrýlary. SOÓA qalyptasý belgileri - baıaý damıtyn jáne temeki tútini men basqa da zııandy zattardan, gazdardan sozylmaly túrshigýdiń saldarynan jartylaı ǵana bronh obstrýktsııasyna (tynys alý joldarynyń aýa ótkizý qabilettiliginiń buzylýy) aınalady. Qazirgi ýaqytta SOÓA - álemde ólim-jitim sebepteriniń ishinde tórtinshi orynda.
Aıta keteıik, aktsııanyń maqsaty - aýrý týraly málimetterdi keńinen taratý, naýqastarǵa kórsetiletin kómekti jaqsartý, temekige táýeldiliktiń taralýyn tómendetýge áser etý, temekige qarsy kúreske halyqtyń barlyq toptaryn tartý, temeki shegýdiń aldyn alý jáne temekiniń aǵzaǵa zııandy áseri týraly qoǵamdy aqprarattandyrý bolyp tabylady.
