Astanada OQO-nyń aýylsharýashylyq jármeńkesinde qala ákimi I.Tasmaǵambetov boldy
ASTANA. 22 qyrkúıek. QazAqparat - Búgin Astanada ortalyq alańda Ońtústik Qazaqstan oblysynyń aýyl sharýashylyǵy ónimderiniń jármeńkesi ashyldy.
Oblystyq aýyl sharýashylyǵy basqarmasynyń bastyǵy Qanatbek Ospanbekovtyń aıtýynsha, jármeńkege 260 tonna aýyl sharýashylyǵy ónimderi ákelindi. Atalmysh jármeńkeni elorda ákimi Imanǵalı Tasmaǵambetov kelip, aralap kórdi.
«Bunyń bir ereksheligi - eshqandaı alyp-satar joq, taza sol ónim óndirgen óndirýshiler kelgen. Aýyl sharýashylyǵy ónimderiniń quny naryqtyń baǵasynan 20-25 paıyzǵa arzan bolady», - deıdi Q.Ospanbekov.
Negizgi 260 tonnanyń 50 tonnasy - qoı men sıyr eti, 10 tonna - kúrketaýyq eti, qalǵany kókónis, baqsha ónimderi. Q. Ospanbektiń málim etkenindeı, dál osyndaı jármeńke kelesi aptada Almatyda uıymdstyrylmaq.
