Astanada «Oqqaǵar» týrnıri ótip jatyr
ASTANA. 16 tamyz. QazAqparat - Búgin Astanada QR Prezıdenti kúzet qyzmetiniń uıymdastyrýymen «Oqqaǵar» qyzmettik kópsaıys boıynsha halyqaralyq ashyq týrnıri bastaldy.
Týrnırdiń negizgi maqsaty QR PKQ jáne basqa da bólimderdiń kásibı sheberligin shyńdaý. Mundaı jarystarǵa qatysýshylar ómirde kezdesetin túrli jaǵdaılarǵa uqsas tapsyrmalar oryndaý arqyly kásibı daǵdalary men sheberlikterin odan saıyn jetildire túsedi.
Buryn jarystar tek Prezıdenttik kúzet qyzmetkerleriniń arasynda ótkizilip kelgen, al 2003 jyldan beri elimizdiń jáne shet elderdiń memlekettik mekemeleri men áskerı bólinisteriniń arnaıy qyzmetkerleri shaqyryla bastady.
2010 jyly VIII Halyqaralyq «Oqqaǵar» qyzmettik kópsaıys týrnıri ótken bolatyn. Oǵan alǵash ret Ýkraına men Belarýstiń komandalary qatysyp, Armenııa baqylaýshy retinde atsalysqan edi.
Týrnır úsh kúnge sozylady. Osy úsh kún ishinde jarysqa qatysýshy komandalar laýazymdy tulǵany kópshilik arasymen alyp júrý boıynsha, jekpe jek ónerinen, sýda júzý estafetasynan, tapanshadan atý boıynsha, jarylǵysh qurylyǵy ornatylǵan kólikti zalalsyzdandyrýdan jáne 5 shaqyrym aýmaqta kedergiler arqyly júrip ótýden saıysady.
Bıylǵy týrnırge elimizdiń túrli kúsh qurylymdarynyń komandalarynan ózge Ýkraına Prezıdentiniń qaýipsizdik qyzmeti úkilep qosqan top ta óz ónerlerin kórsetedi.
