Astanada ógeı ákesi asyrandy ulyn pyshaqtap óltirdi
ASTANA. 30 qyrkúıek. QazAqparat - Astana qalasy ІІD jedel basqarý ortalyǵyna túngi ýaqytta «Ońtústik-Shyǵys» yqshamaýdany aýmaǵynda kisi óltirilgeni týraly habar kelip tústi.
Oqıǵa ornyna kelgen, jedel-tergeý tobynan quralǵan polıtsııa qyzmetkerleri, jazǵy baspana dálizinen qorlap óltirý belgileri bar er adamnyń múrdesin tapty (er adam kókirek tusyna túıreı salynǵan jaraqattan kóz jumǵan).
Qaza tapqan adamnyń jeke basynyń málimetteri anyqtaldy. Ol astanada ýaqytsha turyp jatqan Soltústik Qazaqstan oblysynyń 35 jastaǵy jumyssyz turǵyny bolyp shyqty. Polıtseıler oqıǵa kýágerlerinen suraq-jaýap alý barysynda bolǵan oqıǵanyń mán-jaıyn anyqtady.
Qurban bolǵan azamat óziniń 48 jastaǵy ógeı ákesimen birge ishimdik ishken. Sodan keıin olardyń arasynda urys-keris shyǵyp, aıaǵy tóbeleske ulasqan. Ógeı ákesi balasynyń keýdesine pyshaq jaraqatyn salyp, ol oqıǵa ornynda kóz jumǵan.
Qylmysqa kúdikti adam kóp uzamaı qolǵa tústi. Kúdikti aýyr qylmysty jasaǵanyn moıyndaıtyn túsinikteme berdi. Sondaı-aq, ol buryndary da birneshe ret qylmystyq jaýapkershilikke tartylǵan, úsh ret sottalǵan bolyp shyqty.
Qazirgi ýaqytta atalǵan fakti boıynsha QR QK 103-baby boıynsha qylmystyq is qozǵalyp, ol Astana qalasy ІІD ýaqytsha qamaý ızolıatoryna toǵytyldy. Tergeý amaldary júrgizilýde.
