Astanada Nurjol jelekjolynyń ýchaskesi ýaqytsha jabylady
ASTANA. KAZINFORM – Astana qalasynyń Kólik jáne jol-kólik ınfraqurylymyn damytý basqarmasy Nurjol jelekjolynyń Máńgilik El dańǵylynan Túrkistan kóshesine deıingi aralyǵynda joldyń ústińgi qabatyn salý jumysyn jalǵastyrady.
Osyǵan baılanysty 21-22 maýsym aralyǵynda aldymen Máńgilik El dańǵylynan Túrkistan kóshesine deıin, sodan keıin Túrkistan kóshesinen Máńgilik El dańǵylyna deıingi ýchaskede qozǵalys kezeń-kezeńimen jabylatyn bolady. Ýchaskelerdegi qozǵalys tolyǵymen jabylady.
Júrgizýshiler men jaıaý júrginshilerden qozǵalys baǵytyn aldyn ala josparlaýy jáne yqtımal ózgeristerdi eskerýi qajet. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady.
Aıta ketelik elordadaǵy Shyńǵys Aıtmatov kóshesiniń bir bóligi ýaqytsha jabylatyny týraly jazǵan edik.