Astanada Nurmaǵambetov kóshesiniń bir bóligi ýaqytsha jabylady
ASTANA. KAZINFORM — Saǵadat Nurmaǵambetov kóshesiniń Shámshi Qaldaıaqov kóshesinen Jumeken Nájimedenov kóshesine deıingi aralyqta ortasha jol jóndeý jumystaryn júrgizý josparlanǵan. Bul týraly Astana qalasynyń ákimdigi málim etti.
Osyǵan baılanysty, aǵymdaǵy jyldyń 15-17 qyrkúıegi aralyǵynda atalǵan ýchaskede kólik qozǵalysy ishinara shekteledi. Kólik qozǵalysy joldyń bir jaǵymen eki baǵytta uıymdastyrylady.
— Júrgizýshiler men jaıaý júrginshilerden marshrýttardy aldyn ala josparlaýdy jáne qozǵalysty uıymdastyrýdaǵy yqtımal ózgeristerdi eskerýdi suraımyz. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady. Osy ózgeristerge túsinistikpen qaraýdy jáne qala boıynsha qozǵalystardy josparlaý kezinde olardy aldyn ala eskerýdi suraımyz, — delingen habarlamada.
Buǵan deıin Astanada Qoshqarbaev dańǵylynyń bir bóligi 15 qyrkúıekten bastap jabylatynyn jazdyq.
