Astanada «Nurly jol - jeńis joly» merekelik sharasy ótti

ASTANA. QazAqparat - Búgin Astana qalasynyń «Qazaq Eli» alańyna myńdaǵan qala turǵyny jınalyp, Qazaqstan halqynyń birligi kúnin atap ótti. Bul týraly elorda ákimdiginiń resmı saıtynan habarlady.

1 mamyr barsha qazaqstandyq úshin birlik pen yntymaqtastyqtyń merekesi. Osy ataýly kúnde elordada negizgi merekelik shara «Qazaq Eli» monýmenti alańynda uıymdastyryldy. «Nurly jol - jeńis joly» atty kontserttik baǵdarlama jınalǵan jurtshylyqtyń kóńilin serpiltti. Atalmysh sharaǵa elordalyq jáne aımaqtardan kelgen etnomádenı birlestikter qatysýda.

- Bul kúni barlyq astanalyqtarǵa densaýlyq, bereke-birlik tilegim keledi. Aspanymyz árdaıym ashyq bolsyn, - dedi slavıan etnomádenı ortalyǵy «Sosedýshkı» ansambliniń ókili Oksana Tkacheva.

Qazaqstanda 150 jýyq ult pen ulys ókilderi ómir súrip jatyr. Kóktemniń osy shýaqty kúninde olar bir-birine degen aqjarma tilekterin aıamady.

- Qazaqstan halqy birligi kúnimen barsha otandastarymyzdy quttyqtaımyn. Bul eń úlken mereke dep bilemin, - dep bólisti oıymen «Zlata» bolgar etnomádenı birlestiginiń ókili Elena ıAtsýk.

Barlyq ult pen ulysty bir úlken qara shańyraqtyń astyna jınaǵan Qazaqstan halqynyń birligi kúni elimizdiń barlyq óńirlerinde atalyp ótýde.