Astanada «Nurly jol» vokzalyna pıanıno qoıyldy
ASTANA. QazAqparat - Bıznesmen-altrýıst Ashat Sultanov Astana turǵyndaryna taǵy bir pıanıno tartý etti, dep habarlaıdy «QazAqparat» HAA tilshisi.
Bul jolǵy pıanıno «Nurly jol» temirjol vokzalynyń aýmaǵyna ornalastyryldy. Joba avtorynyń sózine qaraǵanda, jalpy kópshilikke arnalǵan aldyńǵy pıanınosy isten shyǵyp qalǵan. «Bul - basqa pıanıno. «Han Shatyr» SOSO-ǵa qoıylǵan pıanıno endi jóndeýge kelmeıdi. Ony adamdar buzyp aldy ma ne bolmasa ýaqyt óte kele zaqym tıdi me, bilmeımin», - deıdi Sultanov.
Sultanovtyń aıtýynsha, vokzal - onyń jobasyna qolaıly jerlerdiń biri. «Vokzaldarda, áýejaılarda kópshilikke arnalǵan pıanınonyń bolýy búkil álemde bar praktıka. Reısin kútken adamdar bos ýaqytyn kóńildi ótkizýine kómektesý qajet», - deıdi ol.
Bıznesmen adamdardy osyndaı jobalarǵa qatysýǵa, qoldaýǵa shaqyrady. «Tek aqsha qýyp ketýge bolmaıdy, qazir jurttyń bári de aqsha úshin júr. Keıde shyn júrekten birdeńe isteý de kerek. Bıznes úshin mundaı jobalarǵa túkke turǵysyz qarjy ketedi», - deıdi Ashat Sultanov.
Eske sala keteıik, Ashat Sultanovtyń bastamasymen 2017 jyldyń jazynda Astanadaǵy «Han Shatyr» SOSO-ǵa kópshilikke arnalǵan alǵashqy pıanıno qoıylǵan bolatyn.
