Astanada Nurǵısa Tilendıevtiń 100 jyldyǵyna oraı horeografııalyq spektakl qoıylady

ASTANA. KAZINFORM – Astana qalasy ákimdiginiń «Naz» memlekettik bı teatry Nurǵısa Tilendıevtiń 100 jyldyq mereıtoıyna arnalǵan «Nurǵısa» atty horeografııalyq spektakldi kórermen nazaryna usynady, dep jazdy elorda ákimdiginiń resmı saıty.

Qoıylym ult rýhyn asqaqtatqan tulǵanyń ómiri men shyǵarmashylyq murasyn bı tilimen kórkem beıneleıdi.

«Nurǵısa» horeografııalyq spektakli – qazaq mýzyka óneriniń kórnekti ókiline arnalǵan sahnalyq eskertkish ári teatr repertýaryndaǵy tańdaýly týyndylardyń biri. Spektakldiń basty maqsaty – ulttyq ónerge ólsheýsiz úles qosqan tulǵanyń shyǵarmashylyǵyn dáripteý jáne jas urpaqqa rýhanı qundylyqtardy nasıhattaý.

Sahnalyq týyndyda kompozıtordyń 30-dan astam shyǵarmasy oryndalyp, «Kel, erkem, Alataýyma», «Kósh-kerýen», «Alataý», «Kýá bol», «Ata tolǵaýy» sııaqty tanymal týyndylary bı plastıkasy arqyly jańasha órnekteledi. Mýzykalyq súıemeldeý Qaraǵandy oblystyq Táttimbet atyndaǵy akademııalyq halyq aspaptar orkestriniń qatysýymen jazylǵan.

Qoıylym kompozıtordyń ómir jolyn bes kezeń boıynsha baıandaıdy: «Dúnıege kelýi», «Balalyq shaǵy», «Jastyq shaǵy», «Shyńdalý» jáne «Alyp tulǵa». Ár bólimde Nurǵısa Tilendıevtiń ómiri men shyǵarmashylyq izdenisteri kórkem plastıka arqyly beınelenedi.

«Naz» memlekettik bı teatry — Qazaqstanda iri horeografııalyq spektaklder qoıǵan alǵashqy kásibı bı teatry. Teatr ulttyq bı ónerin damytýǵa, dástúr men zamanaýı baǵytty ushtastyrýǵa aıryqsha úles qosyp keledi. Qazir teatr repertýarynda 130-ǵa jýyq bı nómiri men 15 horeografııalyq spektakl bar.

«Nurǵısa» horeografııalyq spektakli 1 qarasha kúni saǵat 17:00-de «Naz» memlekettik bı teatrynyń ǵımaratynda (Kóktal sh/a, Almalyq kóshesi, 1) ótedi.

Aıta keteıik, Nurǵısa Tilendıevtiń týǵan aýylynda eńseli stela ornatyldy.

Parıjde Nurǵısa Tilendıevtiń 100 jyldyǵy toılandy.