Astanada Nurǵısa Tilendıev atyndaǵy «Óz elim» ІІІ mýzykalyq festıvali ótedi

ASTANA. 24 aqpan. QazAqparat - Elordada 29 naýryzdan 1 sáýirge deıin Nurǵısa Tilendıev atyndaǵy «Óz elim» ІІІ mýzykalyq festıval-baıqaýy ótedi. Oǵan Astananyń úzdik kontsert zaldarynda óner kórsetetin 16-dan 35 jasqa deıingi jas mýzykanttar qatysady. Bul týraly astana.kz saıtyna uıymdastyrý komıtetinen málim etti.

Qazaqstannyń ár oblysy baıqaýdyń:

1. Klassıkalyq vokal (áıelder men erler);

2. Dombyra;

3. Dırıjer ár atalymyna 2 qatysýshy jiberedi.

Festıvaldi uıymdastyrýshy Astana qalasynyń ákimdigi men qalalyq Mádenıet basqarmasy.

«Bas júlde - Astana qalasy ákiminiń kýbogy men 1 200 000 teńge aqshalaı syılyq. Sonymen qatar festıvalde mynandaı marapattar men júldeler tapsyrylady:

- Gran-prı - aqshalaı syılyq (800 000 teńge);

- 1-shi syılyq - 600 000 teńge jáne «Festıval laýrety» ataǵy men ataýly medal;

- 2-shi syılyq - 300 000 teńge jáne «Festıval laýrety» ataǵy men ataýly medal;

- 3-shi syılyq - 150 000 teńge jáne «Festıval laýrety» ataǵy men ataýly medal», - delingen habarlamada.