Astanada Nurǵısa Tilendıev atyndaǵy ІІІ mýzykalyq «Óz elim» festıvali ótedi
ASTANA. 29 naýryz. QazAqparat - Búgin Astanada Halyq qaharmany, qazaqtyń ataqty kúıshi-sazgeri ári kompozıtory Nurǵısa Tilendıev atyndaǵy ІІІ mýzykalyq «Óz elim» festıvali bastalady.
Bul týraly «Báıterek» halyqaralyq medıa-ortalyǵynan habarlady.
Bul aıtýly óner dodasyna Qazaqstannyń barlyq óńirlerinen 70-ten astam kásipqoı dombyrashylar, ánshiler jáne dırıjerler qatysady.
Bas júlde - 1 200 000 teńge kólemindegi aqshalaı syılyq pen Astana qalasy ákiminiń kýbogy. Gran-prı ıesine 800 000 teńge aqshalaı syılyq kózdelgen. Sondaı-aq birinshi oryn alǵandarǵa - 600 000 teńge, ekinshi orynǵa - 300 000 teńge, úshinshi orynǵa - 150 000 teńge aqshalaı syılyqtar berilmek.
Qazaq ulttyq óner ýnıversıtetiniń kontsert zalynda ótetin óner merekesi 1 sáýirge deıin jalǵasady.
