Astanada Nura aýdanynyń ákimi taǵaıyndaldy

ASTANA. KAZINFORM – Astanada QR Prezıdenti Ákimshiliginiń jáne qalalyq máslıhat depýtattarynyń kelisimi boıynsha merıtokratııa qaǵıdatyna sáıkes, Nura aýdanynyń ákimi taǵaıyndaldy, dep jazdy qala ákimdiginiń resmı saıty.

Bul laýazymǵa 44 jastaǵy Rıshat Turdybekov kiristi.

Ol eńbek jolyn 2001 jyldan bastap «Avtolızıng Qazaqstan» JShS (Almaty qalasy) kompanııasynda bastaǵan. 2005 jyldan bastap Astana qalasynyń Almaty aýdany ákimi apparatynyń tirshilikti qamtamasyz etý bóliminiń, abattandyrý bóliminiń, óndiristik-tehnıkalyq bóliminiń bas mamany bolyp jumys istedi.

2011 jyldyń jeltoqsanynan 2019 jyldyń naýryzyna deıin Astana qalasy Saryarqa aýdany ákiminiń orynbasary boldy. Sondaı-aq, elordanyń Esil aýdany ákiminiń orynbasary qyzmetin atqardy.

2019 jyldyń qyrkúıek aıynan bastap elordanyń Baıqońyr aýdany ákiminiń orynbasary laýazymyn atqardy.

Memleket basshysynyń tapsyrmalary aıasynda Astana qalasynyń ákimi Jeńis Qasymbek aýdan men eldi mekenderdi damytý boıynsha birqatar mindet júktedi.