Astanada nóser jańbyrdan keıin sý sorý jumystaryna 70-ten astam arnaıy tehnıka tartyldy

ASTANA. QazAqparat - Keshe Astanada jaýyn jaýyp, kún kúrkiredi. Qalalyq kommýnaldyq qyzmetter táýlik boıy jumys istep, kósheler men joldardaǵy sýlardy sorý jumystaryn júrgizdi, dep habarlady qala ákiminiń saıty.

Sý sorý jumystaryna 72 assenızatorlyq mashına tartyldy, sonyń ishinde «Almaty» aýdanynda - 26, «Saryarqa» aýdanynda - 17, «Esil» aýdanynda - 29.

Sınoptıkterdiń boljamyna, 5 maýsymda kún ala bultty bolady, túnde ótkinshi jańbyr jaýady, kún kúrkireıdi. Túnde aýa temperatýrasy +13...+15°S, kúndiz +23...+25°S bolýy yqtımal.

Dúısenbi kúni, 6 maýsymda jaýyn-shashyn bolmaıdy. Kúndiz +23...+25°S jyly bolady, túnde synap baǵanasy +10...+12°S kórsetedi.

7 maýsymda kúndiz +25...+27°S ystyq bolady. Sınoptıkterdiń boljamynsha, kún ala bultty bolady, ótkinshi jańbyr jaýady, kún kúrkireıdi. Túnde +13...+15°S jyly bolady.