Astanada nóser jańbyrdan keıin kóshelerdi taǵy da sý alyp ketti

NUR-SULTAN. QazAqparat - Elordada jańbyrdan keıin jınalǵan qala kóshelerindegi sýdy sorýǵa 50-den astam tehnıka jumyldyrylǵan, dep habarlaıdy QazAqparat.

Vedomstvo málimetinshe, nóser kárizi men tazartý qurylysyn salý jáne qýatyn keńeıtý jumysyn qala ákimdigi júıeli túrde júrgizip jatyr.

Mysaly, buryn 146 problemalyq ýchaskede káriz salynǵan soń sý basý máselesi sheshilgen.

«Sonymen qatar, 130 km-den astam nóser kárizi men aryq-naýa júıesi salyndy, 1 myńǵa jýyq baqylaý, jańbyr qabyldaǵysh qudyǵy, sondaı-aq 20 km kollektor tazartylsa, 6,5 myń qubyr býlandyryldy. Almaty aýdanynda (Sh.Qaldaıaqov kóshesi), jańa vokzal, Uly dala dańǵylynda jáne basqa tustarda nóser kárizi salynyp jatyr» dep málim etti ákimdikten.

Aıta keteıik, búgin elordada jańbyr jaýyp, daýyl soqty, keı jerlerde burshaq ta jaýǵan.