Astanada «Nomad-Stroı» basshysy 1 mlrd teńgeden astam qarajat jymqyryp, 8,5 jylǵa sottaldy
ASTANA. QazAqparat - «Nomad-Stroı» JShS dırektory Aleksandr Logvınov 8,5 jylǵa bas bostandyǵynan aıyryldy, dep habarlady «QazAqparat» HAA Astana qalasy prokýratýrasyna silteme jasap.
Saryarqa aýdany №2 sotynda búgin úkim shyqty. «A.S. Logvınov QR Qylmystyq kodeksiniń 189-baby 4-bóligi 2-tarmaǵy boıynsha aıypty dep tanylyp, múlki tárkilenip, qurylys jumystarymen 10 jylǵa aınalysý quqyǵynan aıyryla otyryp, 8 jyl 6 aıǵa bas bostandyǵynan aıyrý jazasyna kesildi», delingen habarlamada.
Eske salsaq, Logvınov «Esil EK» TK josyqsyz qurylysshysy bola otyryp, 206 azamattan (ınvestordan) somasy 1 mlrd. teńgeden astam qarajat jymqyrǵan.
Qazirgi ýaqytta Astana ІІD Logvınovqa jáne t.b. qatysty Future Home Astana» TK úleskerleriniń aqshasyn jymqyrý áreketi boıynsha tergeý júrgizýde.
