Astanada «nóldik tózimdilik» aktsııasy ótýde
ASTANA. QazAqparat - Astana qalasy ІІD Ákimshilik polıtsııa basqarmasynyń basshysy Gosman Jakınniń habarlaýynsha, elordalyq polıtseıler «nóldik tózimdilik» aktsııasyn oryndaý maqsatynda elordanyń qoǵamdyq oryndarynda temeki tartý jáne alkogoldi sýsyndardy paıdalaný, qoqystardy tastaý jáne t.b.sekildi 80 myńnan astam ákimshilik quqyq buzýshylyq faktileri anyqtaldy.
Bul týraly elorda ákimdiginiń resmı saıtynda habarlady.
Halyq arasynda quqyqtyq sana men quqyqtyq mádenıetti qalyptastyrý maqsatynda elordalyq polıtseıler sot organdarymen birlesip ákimshlik quqyq buzýshylyqqa jol bergen turǵyndarǵa qatysty ashyq otyrystar júrgizedi.
Astana qalasy ІІD Ákimshilik polıtsııa basqarmasy elorda turǵyndary men qonaqtaryn «nóldik tózimdilik» prıntsıpin ustanýǵa shaqyrady jáne quqyq buzýshylyq faktiler anyqtalǵan jaǵdaıda 102 telefonyna nemese Qazaqstan Respýblıkasy aýmaǵynda isteıtin ІІM birińǵaı senim telefony - 1402-ge habarlasýǵa shaqyrady. Sondaı-aq, turǵyndar Astana qalasynyń ІІD resmı veb-saıtyna foto nemese vıdeo dáleldemelerdi qosymsha retinde tirkep, ótinish jibere alady.
