Astanada Nıderlandydan jetkizilgen trıps zııankesin juqtyrǵan raýshan gúlderi órteledi

ASTANA. QazAqparat - Astana boıynsha QR AShM ósimdikter karantıni jónindegi memlekettik ınspektorlary Nıderlandydan ákelingen 389 dana jaramsyz raýshan gúlin anyqtady. Bul týraly mınıstrliktiń baspasóz qyzmetinen habarlandy.

«Astana Halyqaralyq Áýejaıy» fıtosanıtarııalyq baqylaý beketinde karantındik tekserý kezinde gúlderdiń arasynan tekserýge qajetti nusqalar alynyp, Respýblıkalyq karantındik zerthanaǵa jiberildi. Saraptama nátıjesi boıynsha gúlden trıps zııankesi anyqtaldy.

Karantındik nysandar qaýipti zııankesterdi juqtyrǵan gúlderderdi keden, ekologııa ókilderi men júk ıesiniń qatysýymen órteý arqyly joıady.

Aıta keteıik, qazirgi tańda batys (Frankliniella occidentalis) gúl trıpsi jabyq jerde ósiriletin gúldi, sándik, kókónis daqyldarynyń asa qaýipti zııankesi bolyp tabylady.