Astanada nemese AQSh-ta jattyǵamyn – ıÝlııa Pýtıntseva

LONDON. KAZINFORM – Qazaqstandyq ıÝlııa Pýtıntseva Ýımbldonda álemniń 1-raketkasy, «Úlken dýlyǵa» týrnırleriniń bes dúrkin chempıony, Polsha ókili Iga Shventekti jeńgennen keıin óz oılarymen bólisti.

Alǵash ret Ýımbldon týrnıriniń tórtinshi aınalymyna joldama alǵan ıÝ.Pýtıntseva I.Shventekpen básekede qoryqpaı, sátti oınaýǵa tyrysqanyn, sonyń nátıjesinde jeńiske jetkenin atap ótti. 

«Jarystarǵa jıi qatysamyn, sondyqtan mende jattyǵatyn kóp ýaqyt bolmaıdy. Biraq bos ýaqytym bolǵanda, Astanada nemese AQSh-ta jattyǵamyn. Maýsym aldynda, Aýstralııa týrnırleri bastalar kezde Qazaqstan komandasy AQSh-ta ne Dýbaıda daıyndyq jıynyn uıymdastyrady. Men sonyń bárine Qazaqstan komandasymen birge baramyn. Olar bizge barynsha jaǵdaıdy jasap, úlken qoldaý kórsetedi. Qazirgi kezde Astanada korttar salýda. Bul óte jaqsy bastama. Bizde myqty baza bar. Men sol jerge jattyǵýǵa baryp turamyn», - dedi ıÝ.Pýtıntseva. 

Munyń aldynda Bırmıngem dodasynda úzdik shyqqan ıÝlııa Pýtıntseva jeńis serııasyn 8 matchqa jetkizdi. 

Qazirgi kezde WTA Live reıtıngisinde 35-ten 28-orynǵa kóterilip, óziniń úzdik kórsetkishine (27) jaqyn turǵan qazaqstandyq tennısshi úshin álemniń 14-raketkasy, 2017 jylǵy Rolan Garros týrnıriniń chempıony, latvııalyq Elena Ostapenkomen kezdesýdiń qıyn bolary anyq. 

Ýımbldonda buryn chempıon atanǵandardan qazaqstandyq Elena Rybakına ǵana qaldy. Degenmen tórtinshi aınalymda álemniń 18-raketkasy, qazir babynda júrgen reseılik Anna Kalınskaıamen báseke de oǵan ońaıǵa túspeıdi.

Qazaqstandyq qos tennısshi dúısenbi kúni kortqa shyǵady. Eger aldaǵy eki oıynyn sátti ótkizse, jartylaı fınalda ózara kezdesedi.

Eske sala keteıik, budan buryn Ýımbldonda ıÝlııa Pýtıntsevanyń álemniń 1-raketkasyn jeńip ketkenin jazǵan bolatynbyz. Sondaı-aq Elena Rybakına álemniń eks 1-raketkasyn utyp, tórtinshi aınalymǵa shyqty.