Astanada Nelson Mandela týraly fılmniń alǵashqy qoıylymy ótti
ASTANA. QazAqparat - Ońtústik Afrıka Respýblıkasynyń tuńǵysh prezıdenti Nelson Mandela týraly fılm kórermenge jol tartty. Týyndynyń alǵashqy qoıylymy búgin Astanada ótti, dep habarlaıdy «Qazaqstan» ulttyq arnasy.
Ony tamashalaýǵa elorda turǵyndary men Ońtústik Afrıka Respýblıkasy Elshiliginiń ókilderi keldi. «Bostandyqqa uzaq jol» dep atalatyn fılm Mandelanyń ómirbaıanyna negizdelip túsirilgen. 2,5 saǵatqa sozylǵan týyndyda saıası qaıratkerdiń qaıshylyqqa toly ǵumyry men el basqarýdaǵy biliktiligi baıandalady. Aıta keteıik, 18 maýsym - Mandelanyń týǵan kúni. Sondaı-aq, bıyl, Ońtústik Afrıka Respýblıkasynyń táýelsizdik alǵanyna - 20 jyl.
