Astanada «Ne? Qaıda? Qashan?» zııatkerlik oıyny boıynsha QR chempıonaty ótip jatyr
ASTANA. QazAqparat - Astanada «Astana» halyqaralyq qarjy ortalyǵynyń qoldaýymen «Ne? Qaıda? Qashan?» zııatkerlik oıyny boıynsha QR VII chempıonaty ótip jatyr.
«Týrnırge Astana, Almaty, Qaraǵandy, Pavlodar, Óskemen qalalarynan 28 komanda qatysady. Týrnırde 6 týrda 72 suraq oınatylady. «Ne? Qaıda? Qashan?» boıynsha negizgi týrnırden basqa úzdik oıynshylar men komandalar «Óz oıyny», «Breın-rıng» boıynsha Qazaqstan chempıonattaryndaǵy kúshtermen baq synasady», delingen habarlamada.
Týrnır jeńimpazy osy jyly Astanada ótetin «Ne? Qaıda? Qashan?» álem chempıonatynda el namysyn qorǵaıdy.
Ádilqazy, komıtettiń teń tóraǵasy - Azızbek ıÝsýfov. Apellıatsııalyq ádilqazy múshesi, chempıonattyń qurmetti qonaǵy - Aleksandr Rýbın. Ol «Ne? Qaıda? Qashan?» klýbtarynyń halyqaralyq qaýymdastyǵynyń vıtse-prezıdenti. Klýbtyń «Hrýstal úki» syılyǵyn ıelengen.
