Astanada Nazarbaev Ýnıversıtetinde til merekesine oraı mádenı-ádebı kesh ótedi
ASTANA. 21 qyrkúıek. QazAqparat - 22 qyrkúıekte Qazaqstan Respýblıkasy halqy tilderi kúnine oraı Nazarbaev Ýnıversıtetinde mádenı-ádebı kesh ótkiziledi, dep habarlady oqý ornynyń baspasóz qyzmeti.
Merekege Ýnıversıtet stýdentteri men oqytýshylary jáne ulttyq óner men ádebıet qaıratkerleri qatysady. Kesh barysynda stýdentter álem ádebıeti klassıkteriniń shyǵarmalaryn qazaq, aǵylshyn, japon, ıspan, túrik, nemis tilderinde oqıdy. Al sheteldik ustazdar qazaq tilinde án aıtyp, ónerlerin kórsetedi.
