Astanada Nazarbaev Ýnıversıteti stýdentterine arnalǵan sporttyq alańdar kesheni ashylady
ASTANA. 2 mamyr. QazAqparat - Búgin elordada saǵat 17: 00-de «Tsesnabank» AQ-nyń demeýshilik qoldaýymen Nazarbaev Ýnıversıteti stýdentterine arnalǵan sporttyq alańdar kesheniniń saltanatty ashylý rásimi bolady.
Bul jaıly atalmysh oqý ornynyń Kommýnıkatsııa jáne marketıng departamentinen habarlady.
Keshenge shaǵyn fýtbol, gandbol, basketbol, voleıbol jáne tennıs oınaýǵa arnalǵan 8 sport alańy, sondaı-aq demalýǵa arnalǵan alań men balalarǵa arnalǵan alań kiredi. Sport alańdarynyń jalpy kólemi 7270 sharshy metrdi quraıdy. Olar mýzykalyq kolonkalarmen jáne jaryqpen jabdyqtalǵan. Sport alańdary qurylysynyń ınnovatsııalyq ádistemesi olardy jyl boıy paıdalanýǵa múmkindik beredi. Qysta atalǵan alańdardy hokkeı oınaýǵa jáne konkı tebýge paıdalanýǵa bolady.
Saltanatty ashylý rásimine «Tsesnabank» AQ Basqarma Tóraǵasy D.A.Jaqsybek jáne «Nazarbaev Ýnıversıteti» DBU Atqarýshy keńesiniń Tóraǵasy A.B.Sárinjipov qatyspaq. Olar Nazarbaev Ýnıversıtetiniń stýdentterin jańadan paıdalanýǵa tapsyrylyp jatqan sport alańdarynyń ashylýymen quttyqtaıdy jáne ótken oqý jyly sport salasynda eń úzdik jetistikter men nátıjeler kórsetken Ýnıversıtet stýdentterine gramotalar men estelik syılyqtardytapsyrady.
