Astanada Naýryz meıramyna arnalǵan negizgi is-shara «Qazaq eli» alańynda ótedi
ASTANA. 16 naýryz. QazAqparat - Ulystyń Uly kúni - Naýryz meıramy Astana qalasynda jylda keń kólemde, aýqymdy is-sharalarmen atalyp ótiledi.
Bıylǵy jylǵy Naýryz meıramyna daıyndyq jumystary qarqyndy júrgizilýde. Bul týraly Astana qalasy ákiminiń jeke blogyna qoıylǵan saýalǵa jaýapta aıtyldy.
«8 naýryz merekesinen keıin qala ishinde keshendi bezendirý jumystaryn júrgizý josparlanǵan. Atap aıtsaq, qala boıynsha barlyq negizgi kóshelerde 200-den astam úlken týlar, 1250 tý tuǵyrlary, 60 taqyryptyq bılbordtar, 50 kishi arhıtektýralyq formalar ornalastyrylyp, halyq kóp jınalatyn jerlerde taqyryptyq kompozıtsııalar, túrli-tústi jaryq bezendirýleri qoldanylady. Sonymen qatar, 22 naýryz kúni «Qazaq eli» alańynda negizgi merekelik shara ótkiziledi. Sharaǵa oblys ortalyqtarynan arnaıy shaqyrylǵan óner ujymdary qatysady. Ony uıymdastyrýǵa bilikti rejısserlyq top jumyldyrylǵan. Jospar boıynsha alańda 40 kıiz úı tigilip, ultymyzdyń dástúrli óner buıymdarynyń kórmeleri ótedi», - delingen qala ákiminiń jaýabynda.
