Astanada Naýryz meıramy atap ótiletin demalys kúnderi qoǵamdyq tártipti 2 myńnan astam polıtseı qadaǵalaıdy
ASTANA. Naýryzdyń 16-sy. QazAqparat /Gúlmıra Álıakparova/ - Astana qalalyq Іshki ister departamentiniń jeke quramy Naýryz meıramy atap ótiletin demalys kúnderi qoǵamdyq tártipti qamtamasyz etý úshin kúsheıtilgen jumys tártibine kóshedi. Bul týraly búgin ótken baspasóz máslıhatynda ІІD-niń Memlekettik til jáne aqparat bóliminiń bastyǵy Nurdildá Oraz málim etti,
dep habarlaıdy QazAqparat.
N.Orazdyń aıtýynsha, aldaǵy merekelik demalys kúnderi kóshedegi qoǵamdyq qaýipsizdikti qamtamasyz etýge 2 myńnan astam tártip saqshysy men 165 kólik jumyldyrylatyn bolady.
«Al naýryzdyń 16-18 kúnderi aralyǵynda «Quqyqtyq tártip» jedel aldyn alý is-sharasy ótkiziledi. Sharanyń basty maqsaty - naýryz meıramy qarsańynda qoǵamdyq oryndar men kóshelerdegi, sondaı-aq adamdar kóp shoǵyrlanatyn jerlerde qylmystyń aldyn alý jáne eskertý. Túngi ýaqytta krımınaldyq polıtsııa qyzmetkerleri jeke jospar boıynsha jumystar júrgizedi», - dep atap ótti ol.
Onyń sózine qaraǵanda, is-shara sheńberinde buryn jasalǵan qylmystardyń betin ashýǵa, izdeý jarııalanǵan qylmyskelerdi izdep-tabýǵa, sýyq qarýlary bar azamattardy meken-jaı boıynsha tekserip, zańsyz saqtalyp kelgen qarýlar men jarylǵysh zattardy tárkileýge, sondaı-aq qańǵybastyq pen qaıyrshylyqqa salynǵandarǵa erekshe nazar aýdarylatyn bolady.
Sonymen qatar, elordalyq polıtseıler merekelik sharalar ótetin alańdarǵa jaqyn ornalasqan kópqabatty úıler men qurylystardy aralap, meken-jaıy joq azamattardy anyqtaý maqsatynda jerasty kárizderin teksermek.
Bıyl Naýryz toıyn kópshilikpen atap ótý orny retinde «Han shatyr» oıyn-saýyq ortalyǵyna qarama-qarsy saıabaq belgilenip otyrǵandyqtan, bul aýmaq polıtseılerdiń erekshe nazaryna alynady.
