Astanada «Naýryz bazary» etnoúlgidegi taýarlar jármeńkesi ótedi

ASTANA. QazAqparat - Elordada 21-23 naýryz aralyǵynda «Naýryz bazary» shyǵys jármeńkesi ótedi, dep habarlaıdy QazAqparat Astana ákimdiginiń resmı saıtyna silteme jasap.

EKSPO halyqaralyq kórme ortalyǵynyń aýmaǵynda ótetin jármeńkede etnostıldegi kıimderdiń, zergerlik buıymdardyń, keramıka, metall, kıiz jáne jibekten jasalǵan zattardyń, kádesyılardyń jańa toptamalarynyń mol tańdaýy usynylady.

Qala turǵyndary úshin elimizdiń eń jaqsy sharýa qojalyqtary men taýar óndirýshileriniń jańa ónimderi eń tıimdi baǵamen satylady. Mereke qurmetine barlyq taýarǵa úlken jeńildikter josparlanyp otyr.

Al shyǵys taǵamdaryn unatatyn jurtshylyq festıvalge qatysa alady.

Jármeńke 21 naýryz kúni saǵat 13:00-18:00 aralyǵynda, al 22 jáne 23 naýryz kúnderi saǵat 09:00-den 18:00-ge deıin jumys isteıdi.