Astanada «NAÝRYZNAMA: Ulttyq sport kúnine» oraı qandaı is-sharalar ótedi
ASTANA. KAZINFORM — 2024 jylǵy 20 naýryzda Naýryz meıramyn toılaý aıasynda elordadaǵy «Arǵymaq» at-sporty kesheninde ulttyq sport kúnine arnalǵan «NAÝRYZNAMA: Ulttyq sport kúni» merekelik is-sharasy ótedi.
QR Ulttyq sport qaýymdastyǵy málim etkendeı, merekelik is-shara aıasynda kókpar, aýdaryspaq, teńge ilý, qyz qýýdan kórsetilimder jáne toǵyzqumalaq pen asyq atýdan sheberlik synyptary josparlanǵan.
«Qonaqtarǵa qazaqy tazy jáne búrkit kórsetiledi. Sondaı-aq, qolónershiler jármeńkesi, ulttyq sport ardagerlerin marapattaý rásimi jáne merekelik kontserttik baǵdarlama ótedi», — delingen habarlmada.
Іs-sharany QR Týrızm jáne sport mınıstrliginiń qoldaýymen QR Ulttyq sport qaýymdastyǵy Astana qalasynyń ákimdigimen birge uıymdastyrdy.
Atalǵan is-shara elordadaǵy «Arǵymaq» at-sport kesheninde ótedi.
