Astanada Naýryz meıramynda 5 juptyń nekesi qıyldy
ASTANA. KAZINFORM – Astanada Ulystyń uly kúni – Naýryz meıramy aıasynda «Baıqońyr» aýdanyndaǵy Atatúrik saıabaǵynda erekshe ári áserli is-shara ótti. Kóktemniń jańarýymen astasqan mereke kúni 5 jas juptyń nekesi saltanatty túrde qıyldy, dep habarlaıdy elorda ákimdiginiń resmı saıty.
Mahabbat pen adaldyqtyń sımvolyna aınalǵan bul mańyzdy sát kópshilik aldynda, ulttyq dástúrlermen úılestirile otyryp uıymdastyryldy. Jas jubaılarǵa aq jaýlyqty analar tilekterin aıtyp, jınalǵan qaýym izgi nıetterin jetkizdi.
Saltanatty rásim merekelik kontsertpen qatar ótip, ulttyq áýender men kóterińki kóńil-kúı erekshe atmosfera qalyptastyrdy. Bul is-shara Naýryz meıramynyń mán-mańyzyn arttyryp, jańa otbasylar úshin berekeli bastamanyń jarqyn belgisine aınaldy.
Eske sala keteıik, budan buryn elordada Naýryz meıramyna arnalǵan ulttyq oıyndar men sporttyq sharalar bastalǵanyn habarlaǵanbyz.
