Astanada Naýryz merekesine oraı taqııa kesteleýden sheberlik saǵaty uıymdastyryldy
ASTANA. KAZINFORM — Astanada Naýryz merekesine oraı qaıyrymdylyq aktsııasy ótti, dep habarlaıdy Mádenıet jáne aqparat mınıstrliginiń baspasóz qyzmeti.
Elordalyq kreator, qolóner sheberi Nurgúl ıAlymova múmkindigi shekteýli balalar men olardyń analaryna arnap taqııa kesteleý boıynsha sheberlik saǵatyn uıymdastyrdy.
Qatysýshylar sándik-qoldanbaly óner dástúrlerimen tanysyp, óz qolymen ulttyq buıym jasap kórdi.
Іs-shara barysynda balalar men ata-analar keste tigý ádisin úırenip, oıý-órnekterdiń mánimen tanysty.
Uıymdastyrýshynyń aıtýynsha, jobanyń basty maqsaty — ulttyq dástúrlerdi saqtaý, shyǵarmashylyq qabiletti damytý jáne erekshe balalar tárbıelep otyrǵan otbasylarǵa áleýmettik qoldaý kórsetý.
Kreator mundaı qaıyrymdylyq shyǵarmashylyq saǵattaryn mektepterde, qarttar úılerinde jáne aýrýhanalarda da turaqty túrde ótkizip turady.
Osyǵan deıin Qazaqstan mektepterinde erekshe nazardy qajet etetin balalarǵa pedagogıkalyq súıemeldeý engiziletini belgili boldy.