Astanada «National Digital History» ınternet-portaly tanystyryldy
ASTANA. QazAqparat - Astanada «Qazkontent» AQ-nyń «National Digital History» ınternet-jobasynyń tanystyrylymy boldy.
Atap aıtqanda, bul joba ınternet jelisi arqyly elimizdiń ulttyq tarıhy men mádenıetin keńinen nasıhattaý maqsatynda iske asyrylýda.
«Búginde qolǵa alynyp jatqan bastamalardyń túpki muraty «Máńgilik elge» jol salý ekeni belgili. Sondyqtan bizdiń aldymyzda turǵan negizgi mindet - Táýelsizdiktiń tuǵyryn odan ary nyǵaıtatyn rýxy bıik urpaq tárbıeleý. Osynyń kilti ulttyq tarıxymyzda jatyr. Elbasy aıtqandaı, tarıxı tanymmen urpaq ósedi, ulttyq sana qalyptasady. Batyrlyq pen danalyq, izgilik pen ımandylyq - bizdiń túp-tamyrymyz. Eń bastysy, sonyń barlyǵy - ańyz emes, tasqa qashalǵan, ǵylymı derektermen naqtylanǵan tarıx. Osyny laıyqty nasıxattasaq, jańa býyn arasynda otansúıgishtik, ulttyq maqtanysh sezimi kúsheıeri anyq. Ol úshin bizdiń tarıxymyz osy zamannyń kúnimen sóıleýi tıis», - dep atap ótti osy shara barysynda QR Aqparat jáne kommýnıkatsııalar mınıstri Dáýren Abaev.
Vedomstvo basshysy búginde kólemdi eńbekterge, qurǵaq esepterge oqyrmannyń suranysy azaıyp kele jatqanyn atap ótti.
«Endigi jerde xalyqqa qajetti aqparatty zamanaýı formatta berýdiń jolyn izdegen jón. Internet aýdıtorııaǵa laıyqtap, aýdıo-vıdeo materıaldarmen, basqa da vızýaldy tásildermen usynǵan tıimdi. Osy maqsatta biz úsh tildi aqparat taratatyn National Digital History of Kazakhstan jobasyn iske qosyp otyrmyz. Internet resýrs tarıxymyzdy túgendep, tek qazaqstandyqtarǵa ǵana emes, sheteldikterge de keńinen tanystyrý jumysyn qolǵa almaq», - dedi mınıstr.
Atap aıtqanda, ulttyq tarıhymyzdy nasıhattap júrgen e-history.kz saıty jańartylǵannan keıin, endi «National Digital History of Kazakhstan» ataýymen kópshilikke tarap otyr.
Óz kezeginde «Qazkontent» AQ Basqarma tóraǵasy Asqar Ahmetov atalǵan ınternet-jobanyń qosylýyna baılanysty óz quttyqtaýyn jetkizdi.
«Biz veb-resýrstar arqyly Qazaqstan tarıhyn tereń tanystyrý turǵysynda negizgi maqsatty aldymyzǵa qoıdyq. Osy rette ujym bul portaldy tanymal aqparattyq ǵylymı resýrsqa aınaldyrý mindetin iske asyrmaq», - dedi Ahmetov.
Jańa portaldyń kontenti qazirgi zamanǵy stılde jasaqtalyp, sandyq formatta usynylýda. Portal stýdentter, mektep oqýshylary men muǵalimder úshin zııatkerlik alań bolmaq.
Búgingi tanystyrylymǵa elimizdiń belgili tarıhshylary, Astana qalasy oqý ordalaryndaǵy tarıh pániniń muǵalimderi qatysty. Qatysýshylar portal qazirgi zamanǵy dızaınmen bezendirilgenin, qyzmetteri men kontenti sapaly ekenin atap.
