Astanada narkologııalyq kómek máseleleri boıynsha senim telefony iske qosyldy
Nur-Sultan qalasynyń turǵyndaryna narkologııalyq kómekti mamandandyrylǵan Psıhıkalyq densaýlyq ortalyǵy kepildendirilgen tegin medıtsınalyq kómek aıasynda kórsetedi.
Elorda ákimdiginiń málimetinshe, ortalyq qyzmeti psıhoaktıvti zattarǵa, ıaǵnı esirtki sekildi dárilik zattarǵa táýeldilikten zardap shegetinderdi emdeýge, ońaltýǵa, olarǵa konsýltatsııa berýge baǵyttalǵan.
«Búginnen bastap iKOMEK109 biryńǵaı baılanys ortalyǵy Nur-Sultan qalasynyń turǵyndaryna narkologııalyq kómek máseleleri boıynsha táýlik boıy 109 qysqa nómiri arqyly konsýltatsııa beredi. Mobıldi jáne qalalyq telefondardan habarlasý tegin.
Narkologııalyq táýeldilikke qatysty barlyq qońyraýlar men ótinishter jasyryn rejımde óńdeletinin aıta ketken jón.
Nashaqorlyq, maskúnemdik, qumar oıyndarǵa táýeldilik – bul tek bir ǵana emdelýshiniń basyndaǵy másele emes, ol búkil otbasynyń problemasy. Sebebi táýeldilikten zardap shegetinder ózine jáne aınaladaǵy búkil jaqyndaryna qıyndyq keltiredi.
Psıhoaktıvti zattarǵa táýeldilikten arylýǵa qatysty kómek boıynsha iKOMEK biryńǵaı baılanys ortalyǵyna 109 nómiri arqyly nemese tómendegi joldarmen júginýge bolady:
- ákimdiktiń resmı saıty astana.gov.kz;
- iKOMEK109 mobıldi qosymshasy (PlayMarket/AppStore);
- Telegram chat-boty (t.me/nursultanikomek109_bot);
- Smart Astana mobıldi qosymshasy (PlayMarket/AppStore);
- aitu.city portaly.
