Astanada nan baǵasyn turaqtandyrý úshin 10 myń tonna un satyp alynady
Nur-Sultanda áleýmettik nan baǵasyn turaqtandyrý úshin 10 myń tonna un satyp alynady. Qala ákimdigi janyndaǵy komıssııa otyrysynda jeńildikpen nesıelendirý aıasynda «Jaıma» MTS» JShS jáne «Tóńkeris» HPP» JShS-men sharttar jasaldy.
Jańa qaryzdar boıynsha 10 myń tonna unǵa, osy jyldyń sońyna deıin 5 myń tonna unǵa baǵany turaqtandyrý josparlanyp otyr.
Qaryzdar «áleýmettik nanǵa», ıaǵnı birinshi surypty unnan jasalǵan nan baǵasyn turaqtandyrýǵa kómektesedi.
Osylaısha, un qalanyń iri naýbaıhanalaryna birinshi surypty unnan jasalǵan nan baǵasyn turaqtandyrý úshin jetkiziledi: «Karýnd» JShS – 100 satý núktesi, «Halyq nan» JK – 500 satý núktesi, «Shah» JK – 1000 satý núktesi, «Stolıchnyı hleb» JShS – 1200 ótkizý núktesi, «Hlebnyı kraı» JK – Magným sýpermarketiniń barlyq dúkenderi, úı janyndaǵy 40 dúken jáne t.b.
Qazir sharttar jasaldy, kepildikti qamtamasyz etýdi rásimdeý jumystary júrip jatyr.
Áleýmettik mańyzy bar azyq-túlik ónimderiniń baǵasyn turaqtandyrý maqsatynda elorda ákimdigi «aınalym tetigi» jobasy, turaqtandyrý qoryn qalyptastyrý, maýsymdyq jármeńkeler ótkizý boıynsha jumystar júrgizýde.
Bıyl «aınalym tetigi» jobasy jalǵasýda. Jobaǵa qatysýshylardyń sany keńeıtildi, sondaı-aq saýda jelilerine azyq-túlik satyp alýǵa bólinetin soma ulǵaıdy.
Saýda jelilerine qosymsha 2 mlrd 700 mln teńge bólinedi.
«Aınalym tetigi» jobasyna «Magnum», «Anvar», «Astyqjan», «Kenmart», «Vkýsmart», «Aıan», «Aqmol», «Shapaǵat», «Small», «Saryarqa» bazarlary jáne birqatar dúkender qatysady.
Bakaleıa, kókónis, et jáne sút ónimderine birqatar óndirýshilermen jáne jetkizýshilermen sharttar jasaldy, onyń ishinde shamamen 14 myń tonna kókónis boıynsha kelisimshart jasaldy.
Kókónisterdi, undy, sıyr etin jáne t.b. qosymsha satyp alý máselesi pysyqtalýda.
Sondaı-aq, aýylsharýashylyq jármeńkelerin ótkizý naryqtan tómen baǵany ustap turýǵa jáne ónimdi satýǵa múmkindik beredi.
Respýblıka óńirleriniń qatysýymen ótetin jármeńkeler 21 tamyzdan bastalyp, qazan aıynyń sońyna deıin jalǵasady.
Ótken jármeńkelerde naryqtan tómen baǵamen 2 myń tonnadan astam ónim satyldy.
Sonymen qatar, tartylǵan ınvestıtsııa esebinen elordada 3 kóterme-taratý ortalyǵy men eki jylyjaı kesheniniń qurylysy júrip jatyr.
