Astanada N.Nazarbaevtyń tóraǵalyǵymen Qazaqstan halqy Assambleıasynyń XXII sessııasy ótedi

ASTANA. QazAqparat - 23 sáýirde Qazaqstan Respýblıkasynyń Prezıdenti, Qazaqstan halqy Assambleıasynyń Tóraǵasy Nursultan Nazarbaevtyń tóraǵalyǵymen Qazaqstan

halqy Assambleıasynyń XXII sessııasy ótedi, kún tártibindegi taqyryp - «Máńgilik El: bir el - bir taǵdyr». Bul týraly Aqordanyń baspasóz qyzmeti habarlady. Sessııa jumysyna 1500-den asa adam qatysady. Olardyń qatarynda assambleıanyń barlyq óńirlerdegi músheleri men ardagerleri, respýblıkalyq jáne óńirlik etnomádenı birlestikterdiń tóraǵalary, Parlament depýtattary, ortalyq atqarýshy organdardyń, saıası partııalardyń, dinı birlestikterdiń, Úkimettik emes uıymdardyń, shetel memleketteriniń dıplomatııalyq mıssııalarynyń basshylary, joǵary oqý oryndarynyń rektorlary, ǵylymı jáne shyǵarmashylyq zııalyq qaýym jáne BAQ ókilderi bar.